香港年金計劃ABC

香港年金計劃 陳茂波

郭永健

咩係年金? 同大家見開嘅定期存款有咩唔同?
年金係會用埋本金派發,即每月派發年金後,本金就會減少。而定期存款派左利息後,最後本金係唔會少左。

政府的例子,65歲男性,繳付100萬保費,保證每月年金HK$5,800,一年約7萬元,唔代表有每年有7厘回報,因為最後的本金係會少左或者無左。

咁樣政府成日話內部回報率有4厘,又係咪真係每年穏穏陣陣有4厘呢?政府無話你知,投保人係要達到預期壽命,才有4厘回報。即係65歲的男性投保,要有86歳命,而女性就要90歲命。當你去到呢個歲數,咁你平均每年的回報就差唔多有4厘啦。

以男性65歲投保做例子,如果唔好彩81歲死左,咁佢的平均回報就只有1.3%。70歲死的話,每年平均回報就會係負數,係負3%。如果投保一年後死左,屋企人一次過拎番啲錢,就要蝕兩成六,

咁政府話可以唔拎錢出來,繼續攞年金直到保証期,咁回報又係幾多?咁就要等到第14年完結後攞錢,而每年的平均回報就只有0.7%。但相反來說,如果長命到95歲,咁每年的平均回報就有5.6%啦。無錯,年金真係一個鬥長命的遊戲。

咁4厘追唔追到通脹?過往十年,平均通脹係約3%,但係八九十年,通脹往往超過8%,所以追唔追到通脹就真係無人知。

至於好多人講買年金,然後申請長者生活津貼,大家就要留意入息同資產條線。每月的年金會當做長生津的每月入息,而買年金舊錢就唔會當做長生津資產。以單身人士為例,資產少過$334,000就可以申請。咁如果有個老人家佢資產係90萬,佢只要用30萬買年金,咁剩番30萬資產就可以攞長生津。問題係,大家要衡量下剩番的錢夠唔夠應急,同埋用大部份積蓄買年金,會面對之前講的風險。

咁年金可唔可以代替全民退休保障?年金的金額是不會隨通脹調整,但全民退保係會隨通脹調整。此外,年金計劃需要經過唔同行政程序,包括交俾銀行銷售,同埋向長者解釋,當中的行政費用都唔少,相反全民退休保障就免審免查,慳好多行政費。還有,年金計劃的保費豁免當做長生津的資產,有錢買年金的長者同基層長者可以享受一樣嘅褔利,令人質疑政府自打咀吧,違反過往話集中資源幫最有需要的人。

一句到尾,政府設立了高額長生津及年金計劃,都唔能夠取代全民退保,將所有責任推向個人處理。最後,大家記住宜家簽的只係認購意向表格,就唔代表交左表後,就必需認購。到正式決定買唔買的時候,大家可以再真係決定。

終身年金計劃有什麼問題?

文:郭永健

政府外匯基金全資持有的按揭證券公司4月10日公布將推出「終身年金計劃」。以65歲一次過繳付100萬元保費、內部回報率為4%為例,計劃中男性投保人最多即時每月收取年金約5800元,直至身故。
ADVERTISING

計劃公布之後,社會初步反應正面,認為回報率吸引,亦可以抵禦長壽風險。作為政府負責營運的年金計劃,理應不以牟利為目的,可是仔細研究政府列舉的數字,計劃似乎過於保守,回報並非預期中這麼高。

首先,計劃中的假設平均壽命太高。筆者以計劃中所列舉的其中一組數字計算:內部回報率為3%,男性估算每月固定年金約500元(每10萬元保費),女性則為約450元。經過計算後,以3%的回報率為例,男性要存活23年,即如果在65歲參加計劃的話,要到88歲累積的年金收入才達至該回報率;而女性更要存活27年,即相當於92歲。

如果以統計處推算的2019年香港人口生命表,65歲男性的平均預期壽命為85.37歲,女性則為89.75歲。如果在上述年紀身故的話,實際回報率分別只有2.51%及2.7%。

此外,計劃中保證發放的金額太低,只有等同已繳保費105%。即是如投保人在獲發105%已繳保費之前身故,其受益人會繼續每月收取餘下期數或一筆過現金。假設一名男性在投保12年後身故,以所得的身故保障餘額及以往收取的年金總額計算,年均回報率只有1.33%,隨時跑輸通脹。事實上,從第3年至第22年,一名男性假如身故的話,所得的年均回報均低於2%。

還有,退保價值過低,令到市民如有急切需要提取現金的話,將會損失頗大。計劃中的退保價值為餘下未發放保證期數每月固定年金折算為現時價值。以內部回報率3%來計算折算因子,如果一名男性在一年後退保,退保價值只有約78萬元,損失近16%,第2年退保則損失14%。

除了以上回報的問題外,計劃的投保年齡設定在65歲或以上,令到60歲退休甚至55歲退休(如紀律部隊)的人士未能參與。此外,雖然女性平均壽命比男性為高,但現時男性所得年金會較女性為多的做法造成男女不平等。
不能代替全民退休保障

筆者建議政府把投保年齡提前至60歲,並且增加每月的金額,令到假設的平均壽命與人口生命表相符。同時,政府亦應把保證發放的金額增加,增加計劃的實際回報率及讓退保造成投保人的損失減少。

最後,即使年金計劃能夠對應長壽風險,但亦不能代替全民退休保障計劃,保障家庭勞動者及讓基層得以受惠。

作者是工黨副主席